بیٹا

عجب رشتہ ہے اُس شخص سے اپنا
میں نے کبھی اُس کی چاہت کو مکمل پایا نہیں
اُس کی سختی ہی یاد آتی ہے، اُس کا گھنیرا سایہ نہیں
اس کی تقسیم شدہ محبت میں سے مجھے
شاید ہی کوئی لمحہ فقط مرے لیے ملا ہو
خط تو پرانے دور کی بات ہے
شاید ہی کوئی محبت بھرا پیغام ملا ہو
اس سے دُور رہنے کے لیے
میں خود سے بھی دُور ہوتا گیا
مگر آج بعد مدت کے
آئینے میں خود کو دیکھ کے یوں لگا
جو نہیں چاہتا تھا، وہی بنتا جا رہا ہوں
میں اپنے والد جیسا ہوتا جا رہا ہوں