جدوں دی تبدیلی آئی اے
ود گئی مہنگائی اے
مچی پئی دہائی اے
جدوں دی تبدیلی آئی اے
تبدیلی آئی، بتی نئیں آؤندی
بتی ہووے، گیس نئیں آؤندی
بال پڑھاواں کہ عزت بچاواں
بل تاراں کہ روٹی کھاواں
سوچدی پئی خدائی اے
جدوں دی تبدیلی آئی اے
ہر شے تے ٹیکس پئے لاندے او
بےشرماں وانگوں کھاندے او
غربت مکانی سی ٹُٹ پینیو
تسی غریب مار مکائی جاندے او
ماڑے دی گلی ہوئی تلائی اے
جدوں دی تبدیلی آئی اے
تیل اے مہنگا، دال اے مہنگی
ہر شے نال و نال اے مہنگی
جے کوئی ساڑ چا پُھوکے
پیندی اوہنوں گال اے مہنگی
گھر والیاں توں ہوندی فیر جدائی اے
جدوں دی تبدیلی آئی اے
ہن شیرو ڈبو وزیر نے
تے پھنئیر، بھیڑے مشیر نے
جو بولے اوہنوں پے جاندے
اے ہلکے ہوئے امیر نے
ذلت دی اندھیری چھائی اے
جدوں دی تبدیلی آئی اے
